Express FC na Azam FC zitwaye neza mu mikino y’umunsi wa mbere mu matsinda y’irushanwa ry’amakipe yo mu Karere k’Afurika y’Uburasirazuba “CECAFA Kagame Cup 2021” irimo kubera i Dar es Salaam muri Tanzania.
CECAFA Kagame Cup yatangiye taliki 01 Kanama 2021 ahabaye umukino umwe wo mu itsinda A aho ikipe ya Yanga yo muri Tanzania yanganyije na Big Bullets FC yo muri Malawi igitego 1-1.
Kuri uyu wa Mbere taliki 02 Kanama 2021, imikino yakomeje aho mu itsinda A, ikipe ya Express FC yo muri Uganda yatsinze Atlabara FC yo muri South Sudan igitego 1-0.
Mu itsinda B, ikipe ya Messager Ngozi y’i Burundi yanganyije na KMKM SC yo muri Zanzibar igitego 1-1 naho ikipe ya Azam FC yo muri Tanzania itsinda KCCA FC yo muri Uganda ibitego 2-0.Imikino y’amajonjora mu matsinda izakomeza taliki 04 na 05 Kanama 2021 aho mu itsinda A ikipe ya Big Bulllets FC izakina na Express FC naho Atlabara FC ikine na Yanga. Imikino izabera kuri B. Mkapa Stadium taliki 04 Kanama 2021.
Mu itsinda B, ikipe ya Azam FC izakina na Messager Ngozi FC naho KMKM SC ikine na KCCA FC. Imikino izabera ku kibuga cya Azam FC (Azam Complex) taliki 05 Kanama 2021.
