Charly na Nina ni itsinda ry’abahanzikazi 2 bakanyujijeho muri muzika nyarwanda aho bakunzwe nabatari bake kubera ibihangano byabo.
Aba bakobwa nkuko bimaze iminsi bivugwa , bahamije aya makuru mbere y’uko berekeza muri Repubulika Iharanira Demokarasi ya Congo.
Ku mbuga zabo nkoranyambaga Bahanyujije ubutumwa bushumangira ko bagarutse mu muziki babwira abakunzi babo ko bari babakumbuye.
Charly na Nina batangaje ko basubukuye umuziki, mu gihe bari kwitegura igitaramo bazakorera muri Repubulika Iharanira Demokarasi ya Congo, muri Amani Festival aho bazataramira ku wa 6 Gashyantare 2022.
Mu iserukiramuco bazitabira hazaririmbamo abandi bahanzi batandukanye barimo na Mohombi wamenyekanye mu ndirimbo nka ‘Bumpy ride’, ‘Coconut tree’ yakoranye na Nicole Scherzinger n’izindi zitandukanye.
Iri tsinda ryaba bakobwa ryari rimaze imyaka ibiri nta bitaramo bakora ndetse badasohora n’indirimbo.
Indirimbo baherukaga gushyira ni ‘Ibirenze ibi’,aho bayishyize hanze muri Werurwe 2020 .Naho mu bitaramo ho icyo baherukagamo ni icya Iwacu Muzika Festival cyabaye muri Nzeri 2020.
Muri iritsinda ryakunzwe nabatari bake mu bihe byashije ,havuzwemo umwuka mubi wo kutumvikana kuri aba bombi aho nibikorwa byabo bya muzika byahise bisa naho bihagaze, ariko kugeza ubu nkuko babitangaje birekanye ko bafite inyota yo kwongera gutaramira abanyarwanda babakunze.
