South Sudan 65-95 Misiri
Rwanda 77-45 Kenya
Tariki 13-07-2021
Kenya-South Sudan (Arena-15h00)
Rwanda-Misiri (Arena-18h00)
Kuri uyu wa Mbere tariki 12 Nyakanga 2021 ni bwo hatangiye imikino y’akarere ka 5 yo gushaka itike y’imikino ya nyuma y’Afurika mu bagore “FIBA Women’s Afrobasket 2021 Zone 5 Qualifiers”.
Iyi mikino irimo kubera muri Kigali Arena yitabiriwe n’amakipe 4 ari yo Misiri, South Sudan, Kenya n’u Rwanda.
Ku munsi wa mbere w’iyi mikino, ikipe y’u Rwanda na Misiri zitwaye neza zitahana intsinzi. Ikipe y’ u Rwanda yatsinze Kenya amanota 77 kuri 45.
Ikipe y’u Rwanda yatsinze agace ka mbere ku manota 23 kuri 18, itsindwa aka kabiri ku manota 12 ku 10 hanyuma uduce tubiri twa nyuma ikipe y’u Rwanda yitwara neza itsinda ku manota 25 kuri 2 ndetse na 19 kuri 13.
Kapiteni w’ikipe y’u Rwanda, Tierra Monay Henderson ni we witwaye neza muri uyu mukino aho yatsinze amanota 23 ari we watsinze menshi mu mukino, anatanga imipira 8 yavuyemo amanota.
Mu wundi mukino, ikipe y’igihugu ya Misiri yatsinze South Sudan ku manota 95 kuri 65. Misiri yatangiye itsinda agace ka mbere ku manota 36 kuri 19, itsindwa aka kabiri ku manota 23 kuri 20, agace ka 3, Misiri yatsinze amanota 24 kuri 14 naho agace ka 4 itsinda amanota 15 ku 9.
Umukinnyi wa Misiri, Raneem Elgedawy ni we witwaye neza aho yatsinze amanota 23 ari nawe watsinze menshi muri uyu mukino.
Imikino y’amajonjora irakomeza kuri uyu wa kabiri tariki 13 Nyakanga 2021 aho ikipe y’igihugu ya Kenya ikina na South Sudan (15h00). Ikipe zombi zatsinzwe umukino ubanza naho undi mukino uhuze ikipe y’igihugu y’u Rwanda na Misiri (18h00).
