Sergio Agüero yasezeye gukina ruhago imburagihe

Rutahizamu wa FC Barcelone, Umunya-Argentine Sergio Kun Agüero ku myaka 33, yatangaje ko asezeye gukina umupira w’amaguru nyuma yo kugira ikibazo cy’umutima akagirwa inama yo kureka gukina.

Uyu wahoze ari Rutahizamu yageze muri FC Barcelone mu mpeshyi y’uyu mwaka.

Nyuma yo kugira imvune mu mikino yo kwitegura Shampiyona, Agüero yakinnye umukino wa mbere ku wa 17 Ukwakira mu gihe yagize ikibazo ubwo FC Barcelone yari yakiriye Alavés ku wa 30 Ukwakira 2021.

Icyo gihe, yaguye hasi ari wenyine mu kibuga nta kimuteze, ajyanwe kwa muganga byemezwa ko ari ikibazo cy’umutima.

Nyuma y’uyu mukino warangiye ari igitego 1-1, byemejwe ko ashobora kumara amezi atatu adakina ariko aza kugirwa inama yo gusezera umupira w’amaguru.

Mu minota 165 y’imikino itanu yari amaze gukiniramo FC Barcelone, yatsinze igitego kimwe ubwo ikipe ye yatsindwaga na Real Madrid ibitego 2-1 muri Shampiyona.

Agüero yamenyekanye cyane akinira Manchester City hagati ya 2011 na 2021, aho yayifashije kwegukana ibikombe bitanu bya Premier League, bibiri bya FA Cup no kugera ku mukino wa Champions League uyu mwaka.

Mbere yaho, yakiniye Atlético Madrid yagezemo avuye iwabo muri Independiente.

Yari muri Argentine yatwaye Copa América muri uyu mwaka wa 2021 n’iyageze ku mukino wa nyuma w’Igikombe cy’Isi mu 2014. Yasezeye gukina amaze gutsinda ibitego 427 mu mikino 786.

Sergio Aguero set to announce retirement as tragic heart problem ends Barcelona dream - Daily Star

Agüero ubwo yagiraga  ikibazo cy’umutima

Yasezeye mu gahinda kenshi

Mushobora kudukurikirana ku mbuga nkoranyambaga zacu mukajya muba aba mbere mu kubona amakuru agezweho buri munsi.Kanda hano udukurikirane kuri Facebook, Kanda hano udukurikirane kuri Twitter cyangwa ukande hano ukore subscribe kuri Youtube

Leave a Reply

Your email address will not be published. Required fields are marked *