Volleyball: Abakobwa b’u Rwanda bageze muri ½ cy’Igikombe cya Afurika nyuma yo gutsinda Nigeria (AMAFOTO)

Ikipe y’igihugu y’u Rwanda mu mukino wa Volleyball mu bagore yatsinze Nigeria amaseti 3 ku busa ihita igera muri 1/2 cy’igikombe cy’Afurika.

Ikipe y’Igihugu y’Abagore yakoze amateka yo kugera bwa mbere muri ½ cy’Igikombe cya Afurika cya Volleyball ubwo yatsindaga Nigeria amaseti 3-0 (25-22, 25-23, 25-23) mu mukino w’umunsi wa kabiri wo mu Itsinda A wabereye muri Kigali Arena kuri uyu wa Mbere.

U Rwanda rwatangiye iseti ya mbere neza rutsinda amanota 25-22. Iseti ya kabiri nayo u Rwanda rwaje kuyitwara ku manota 25-23.

Inkumi z’u Rwanda zari zamaje kwinjira mu mukino, zatsinze n’iseti ya gatatu ku manota 25-23. U Rwanda ruzasoza itsinda rukina na Senegal tariki ya 16 Nzeri, ruharanira kuzamuka ari u rwa mbere.

Muri ½ kizakinwa ku wa Gatandatu, u Rwanda ruzahura n’ikipe izaba iya mbere icyangwa iya kabiri mu Itsinda B rigizwe na Cameroun, Kenya, Tunisia, u Burundi na Repubulika Iharanira Demokarasi ya Congo.

Mariana Da Silva