Umuherwe utunze kurusha undi uwari wese isi, Elon Musk, yamaze kugura kompanyi y’urubuga nkoranyambaga rwa Twitter kuri miliyari 44 z’amadolari y’Amerika, nkuko bivugwa n’ibitangazamakuru byo muri Amerika n’umushoramari muri iyo kompanyi.
Mu butumwa yanyujje kuri Twitter yagaragaje ko “inyoni irekuwe”, mu gisa nko kuvuga ko amasezerano y’ubugure yasojwe.
the bird is freed
— Elon Musk (@elonmusk) October 28, 2022
Elon Musk akimara kugura iyi Kompanyi yahise yirukana bamwe mu bayobozi bayo bo ku rwego rwo hejuru barimo n’umukuru w’iyi kompanyi Parag Agrawal.
Hari hari hashize amezi atari make Twitter ijyanye mu rukiko Musk ishaka ko uyu muherwe utunze za miliyari z’amadolari akurikiza amasezerano y’ubugure yari yagerageje kwikuramo.
Elon Musk yagiye anenga uburyo bwa Twitter bwo kuvangura cyangwa gukora ubugororangingo bw’ibitekerezo,aho we yemeza ko gutanga ibitekerezo byose uko byakabaye nta gikuweho aribwo buryo bwiza.
Umuherwe utunze kurusha undi uwari wese isi, Elon Musk, yamaze kugura kompanyi y’urubuga nkoranyambaga rwa Twitter kuri miliyari 44 z’amadolari y’Amerika.
